وفاقی وزیر عمر ایوب نے پروجیکٹس کی موثر نگرانی کے لیے ورلڈ بنک اور ایشین ڈولیپمینٹ بنک کی مدد سے اکنامک افئیرز ڈویژن میں پی۔ ایم۔ یو قائم کرنے کی ہدایت کی

 1,247 total views

وفاقی وزیر برائے اقتصادی امور عمر ایوب خان نے ورلڈ بنک کے فنڈ سے چلنے والے مختلف منصوبوں پر پیش رفت کا جائزہ لینے کے لیے ایک اعلیٰ سطحی اجلاس کی صدارت کی۔ اس وقت ملک بھر میں ورلڈ بنک کی 12.4 بلین امریکی ڈالر کی فنانسنگ کے تحت 54 منصوبے جاری کیے جا رہے ہیں۔ اجلاس میں جائزہ لیا گیا کہ سیکیورٹی کے نئے اور بہتر انتظامات کیے گئے ہیں اور داسو ہائیڈل پاور پراجیکٹ پر عملدرآمد کی مجموعی پیشرفت کو بہتر بنایا گیا ہے۔ 3 بلین امریکی ڈالر کے 11 بڑے کنٹریکٹس دیے گئے ہیں جن میں الیکٹرو مکینیکل کام بھی شامل ہے۔وفاقی وزیر عمر ایوب نے پروجیکٹس کی موثر نگرانی کے لیے ورلڈ بنک اور ایشین ڈولیپمینٹ بنک کی مدد سے اکنامک افئیرز ڈویژن میں پی۔ ایم۔ یو قائم کرنے کی ہدایت کی۔ انہوں نے متعلقہ حکام کو مزید ہدایت کی کہ وہ غیر ملکی امداد سے چلنے والے منصوبوں پر تیزی سے عمل درآمد کے لیے ٹائم لائن مقرر کریں۔