سعودی عرب پاکستان کو خام تیل اور پیٹرولیم مصنوعات کی درآمد پر فنانسنگ کی سہولت فراہم کرے گا

 3,509 total views

وفاقی وزیر برائے اقتصادی امور و چئیرمین اکنامک کوارڈینیشن کمیٹی عمر ایوب خان نے سعودی ڈیولپمینٹ فنڈ کے سی۔ ای۔ او سلطان المرشد اور پاکستان میں سفیر خادم حرمین شریفین نواف بن سعید المالکی کے ساتھ ملاقات کی۔ ملاقات میں سعودی ڈیفرڈ آئل فیسیلٹی کے لیے سعودی ڈیولپمنٹ فنڈ سے 1.2 بلین ڈالر کے ایک معاہدے کو حتمی شکل دی اور اس پر دستخط کیے گیے۔ جو کہ 100 ملین ڈالر فی ماہ کی رقم بنتی ہے۔ اس موقع پر وفاقی وزیر عمر ایوب خان کا کہنا تھا کہ وزیراعظم پاکستان عمران خان اور سعودی ولی عہد محمد بن سلمان کی خصوصی دلچسپی اور توجہ کی وجہ سے یہ معاہدہ ممکن ہوا۔ معاہدے کے مطابق ایس ایف ڈی پاکستان کو خام تیل اور پیٹرولیم مصنوعات کی درآمد پر فنانسنگ کی سہولت فراہم کرے گا جس میں مزید ایک سال کی توسیع کی جائے گی۔اس موقع پر سی ای او ایس ایف ڈی نے کہا کہ ان کا ملک پاکستان کے ساتھ اپنے تعلقات کو انتہائی قدر کی نگاہ سے دیکھتا ہے اور پاکستان میں ترقیاتی منصوبوں پر عمل درآمد کے لیے ان کی مکمل حمایت کا یقین دلایا۔