جناب عمرایوب خان کی خصوصی کاوش وانتھک محنت کی بدولت اہلیانِ کھلابٹ ٹاؤن شپ کا 100کنال قبرستان اراضی کا دیرینہ مطالبہ پورا

 336 total views

سابق وفاقی وزیر وسینئر رہنما تحریک انصاف جناب عمرایوب خان کی خصوصی کاوش وانتھک محنت کی بدولت اہلیانِ کھلابٹ ٹاؤن شپ کا 100کنال قبرستان اراضی کا دیرینہ مطالبہ پورا کردیا گیا۔ واپڈا کی جانب سے باقاعدہ طور پر نوٹیفکیشن جاری۔ عوامی حلقوں میں خوشی لہر دوڑ گئی۔وفاقی وزیرجناب عمرایوب خان نے اہلیانِ کھلابٹ ٹاؤن شپ کے قبرستان اراضی کے دیرینہ مطالبے کی تکمیل کے لیے اپنی وزارت سے چئیرمین واپڈا کو خط ارسال کرنے کے ساتھ سابق وزیراعظم جناب عمران خان سے بھی خصوصی ملاقات کی اور انھیں اہلیانِ کھلابٹ کی مشکلات سے آگاہ کرتے ہوئے قبرستان کے لیے 100 کنال اراضی فوری مختص کرنے کی سفارش کی تھی۔الحمداللہ آج اہلیان کے ٹی ایس کا دیرینہ مطالبہ پورا کردیا گیا ہے۔جسکے لیے چیئرمین واپڈا نے باقاعدہ طور پرنوٹیفکیشن جاری کیااور سوکنال اراضی ٹی ایم اے ہریپور کے حوالے کردی گئی۔سابق وفاقی وزیر جناب عمرایوب خان نے اس احسن اقدام کی تکمیل کے موقع پر اہلیانِ کھلابٹ ٹاؤن شپ کو مبارکباد پیش کی اور ساتھ ہی قبرستان کے گرد باؤنڈری وال کی تکمیل سمیت دیگر تمام تمام لوازمات کی تکمیل کا بھی یقین دلایا۔اہلیانِ کھلابٹ ٹاؤن شپ نے درینہ مطالبے کی تکمیل پر خوشی کا اظہار کرتے ہوئے کہاکہ عوامی لیڈر جناب عمرایوب خان نے اپنے ہر دور اقتدار میں متاثرین تربیلہ کی بستیوں پر خصوصی توجہ دی اور خاطرخواہ انکے مسائل کو حل کیا۔بلخصوص قبرستان اراضی کے لیے بھرپور تگودو کی جس پر کھلابٹ ٹاون شپ کے غیور عوام انکے دلی گرویدہ وممنون ہیں۔