اربوں روپے کی خطیر فنڈنگ سے پسماندہ علاقہ جات سے اسی فیصد مسائل کا خاتمہ ممکن بنادیا ہے

 2,568 total views

خان برادران کی شاندار عوامی خدمات کے حوالے سے اپرخانپور مکھنیال میں پُروقار تقریب کا انعقاد کیا گیا۔سابق صوبائی وزیر جناب یوسف ایوب خان،ایم پی اے و چئیرمین ڈیڈک کمیٹی ارشدایوب خان اور وفاقی وزیر برائے توانائی،پیٹرولیم وقدرتی وسائل جناب عمرایوب خان کی مصروفیات کی وجہ سے انکے کوارڈینیٹر ساجدخان نے تقریب میں شرکت کی۔
سابق صوبائی وزیر یوسف ایوب خان نے اس موقع پر خطاب کرتے ہوئے کہاکہ اربوں روپے کی خطیر فنڈنگ سے پسماندہ علاقہ جات سے اسی فیصد مسائل کا خاتمہ ممکن بنادیا ہے جبکہ مزید بہتری کے لیے کروڑوں روپے کی خطیر فنڈنگ کررہے ہیں۔انھوں نے کہاکہ وفاقی وزیر عمرایوب خان اور ایم پی اے ارشدایوب خان نے خصوصی توجہ مرکوز کرکے تحصیل خانپور میں ترقی کا نیاانقلاب پرپا کیا جس سے آنے والی نسلیں بھی مستفید ہونگی۔
وفاقی وزیرجناب عمرایوب خان کے کوارڈینیٹر ساجدخان نے تقریب سے خطاب کرتے ہوئے وفاقی وزیر کی جانب سے 50kva کے چار ٹرانسفارمرز اور چالیس پولز دو دن کے اندر مہیا کرنے کا اعلان کیا۔مقامی مقررین نے اس موقع پر خان برادران کی شاندار عوامی خدمات کو سراہا اور انھیں زبردست الفاظ میں خراج تحسین پیش کیا۔

سی ای او ریڈیو سمائل ایف ایم 88.6 شیخ وسیم احمد ریڈیو پر منعقد ہونے والے ضلعی سطح پر مقابلہ حسنِ قراٰت میں پوزیشنز حاصل کرنے والے شرکاء کو تعریفی سرٹیفیکیٹ دے رہے ہیں

 300 total views

سی ای او ریڈیو سمائل ایف ایم 88.6 شیخ وسیم احمد ریڈیو پر منعقد ہونے والے ضلعی سطح پر مقابلہ حسنِ قراٰت میں پوزیشنز حاصل کرنے والے شرکاء کو تعریفی سرٹیفیکیٹ دے رہے ہیں۔اس موقع پر اسٹیشن مینجراسد شیرازی۔قاری شاکر اسلام و دیگر افراد بھی موجود ہیں۔مقابلے میں پہلی پوزیشن حافظ عقیل احمدنے حاصل کی جبکہ دوسری پوزیشن حافظ احمد اور تیسری پوزیشن محمد زبیر نے حاصل کی۔ریڈیو سمائل پر وقتاً فوقتاًایسے مقابلوں کا انعقاد کیا جاتا رہتا ہے تاکہ اپنے علاقے کے ٹیلینٹ کو ابھارا اور نکھارا جا سکے۔