شر پسند عناصر اپنے مذموم مقاصد کے حصول میں کبھی بھی کامیاب نہیں ہوں گے

 1,967 total views

وفاقی وزیر جناب عمرایوب خان کے غازی میں ترقیاتی کا موں کی مد میں کارہائے نمایاں روز روشن کی طرح عیاں ہیں۔
پی ٹی آئی نمائندوں کی غازی کو نظر انداز کرنے کی من گھڑت خبر بد نیتی پرمبنی ہے۔ تر دید کرتا ہوں
غازی کی مقامی قیادت اپنے محبوب راہنما اور مرکزی قیادت کے ساتھ باقاعدہ رابطے میں ہے ۔ افتخار خان

تحصیل غازی کو مقامی قیادت کا نظر انداز کئے جانے کی خبر میں کوئی صداقت نہیں اور تمام ترقیاتی منصوبے باہمی مشاورت سے طے پائے جاتے ہیں۔ ان خیالات کا اظہار پی ٹی آئی انصاف ویلفیئر ونگ ہری پور کے ڈپٹی جنرل سیکرٹری افتخار خان نے اگلے دن ان کے حوالے سے شائع ہونے والی خبر کے تر دیدی بیان میں کیا۔ ان کا کہنا تھا کہ جس طرح انگلی کے پیچھے سورج نہیں چھپایا جا سکتا بعینہ عمر ایوب خان کے تحصیل غازی بالخصوص کھڑی گندگر میں زیر تکمیل ترقیاتی کاموں کا جال بھی روز روشن کی طرح عیاں ہے۔ ان کا کہنا تھا کہ خدمت کای سیاست ایوب خاندان کا ہمیشہ شعار رہا ہے اور ترقی کے اسی فلسفہ پر آج بھی وفاقی وزیر بلا امتیاز گامزن ہیں۔ جبکہ حلقہ میں ان گنت میگا پروجیکٹ وفاقی وزیر عمر ایوب خان کے کار ہائے نمایاں ہیں۔ جن میں 1 ارب 80 کروڑ کی خطیر رقم سے غازی لارنسپور روڈ کی کشادگی و تعمیر، 8 کروڑ روپے جھامرہ روڈ کیلئے ، 8 کروڑ روپے سری کوٹ روڈ کیلئے، 2 ، 2 کروڑ روپے بالترتیب یونین کونسل غازی و قاضی پور کیلئے مختص کئے جانے کے ساتھ ساتھ کھڑی گندگر میں ری کنڈکٹنگ، بجلی کے کھمبوں کی فراہمی اور ٹرانسفارمرز کی بلا تعطل تنصیب کے ساتھ ساتھ سوئی گیس کی فراہمی کے ان گنت منصوبے زیر تکمیل ہیں جن کا سہرہ بلا شبہ وفاقی وزیر عمر ایوب خان کے سر ہے۔ شر پسند عناصر اپنے مذموم مقاصد کے حصول میں کبھی بھی کامیاب نہیں ہوں گے۔ انہوں نے حلقہ کے عوام سے اپیل کی کہ اس قسم کی من گھڑت خبروں پر کان نہ دہریں اور اپنے کاموں اور مسائل کے حوالے سے ہر منگل کو پبلک ڈے میں بلا جھجھک آئیں۔

وفاقی وزیرجناب عمرایوب خان کی زیر صدارت اسلام آباد آفس میں ضلعی بجلی منصوبہ جات پر اہم میٹنگ کا انعقاد۔دورانِ میٹنگ ہرپپور کے جاری بجلی منصوبوں میں پیش رفت کا تفصیلی جائزہ لیاگیا۔

 909 total views

وفاقی وزیرجناب عمرایوب خان کی زیر صدارت اسلام آباد آفس میں ضلعی بجلی منصوبہ جات پر اہم میٹنگ کا انعقاد۔دورانِ میٹنگ ہرپپور کے جاری بجلی منصوبوں میں پیش رفت کا تفصیلی جائزہ لیاگیا۔
وفاقی وزیربرائے توانائی، پیٹرولیم وقدرتی وسائل جناب عمرایوب خان کی زیر صدارت اسلام آباد آفس میں ہری پور کے جاری بجلی منصوبوں پر اہم میٹنگ کا انعقاد کیاگیا۔جس میں پی ڈی کنسٹرکشن سلطان رشید،ایس سی ہزارہ سرکل غلام سرور،ایس ڈی او خانپور وقاراحمد وفاقی وزیر کے سیکرٹری نعیم خان ودیگرمتعلقہ افسران نے شرکت کی۔میٹنگ میں گریڈ اسٹیشنز اور فیڈرز سمیت مختلف علاقہ جات میں جاری بجلی سکیموں کا بھی تفصیلی جائزہ لیاگیا۔
متعلقہ افسران نے دورانِ میٹنگ وفاقی وزیرجناب عمرایوب خان کو منصوبوں کی جلد تکمیل کا یقین دلایا۔جس پر انھوں نے اطمینان کا اظہار کیا۔