1 ارب 80 کروڑ روپے کی خطیر فنڈنگ سے غازی تربیلہ لارنس پور روڑ کی ازسرنو تَعمیر وتُوسیع کے میگامنصوبے پر کام جاری۔وفاقی وزیر نے مزکورہ روڑ کا اچانک دورہ کرکے تعمیراتی کام کا تفصیلی جائزہ لیتے ہوئے متعلقہ افسران کو ضروری ہدایت جاری

 3,791 total views

وفاقی وزیرجناب عمرایوب خان کی جانب سے 1 ارب 80 کروڑ روپے کی خطیر فنڈنگ سے غازی تربیلہ لارنس پور روڑ کی ازسرنو تَعمیر وتُوسیع کے میگامنصوبے پر کام جاری۔وفاقی وزیر نے مزکورہ روڑ کا اچانک دورہ کرکے تعمیراتی کام کا تفصیلی جائزہ لیتے ہوئے متعلقہ افسران کو ضروری ہدایت جاری کیں۔

وفاقی وزیربرائے توانائی، پیٹرولیم وقدرتی وسائل جناب عمرایوب خان کی جانب سے جاری کردہ 1 ارب 80 کروڑ روپے کی خطیر لاگت سے غازی تربیلہ لارنس پور روڑ کی ازسرنو تَعمیر وتُوسیع کے میگا منصوبے پر کام جاری ہے۔ جسے اٹھارہ ماہ کے دوران مکمل کیا جائے گا۔وفاقی وزیر جناب عمرایوب خان نے مزکورہ روڑ کا سرپرائز وزٹ کرکے مختلف مقامات پر جاری کام اور پلوں کی تعمیر کا باریک بینی سے جائزہ لیا۔موقع پر موجود متعلقہ افسران نے انھیں تعمیراتی کام کے حوالے سے بریفنگ دی۔
وفاقی وزیرجناب عمرایوب خان نے متعلقہ افسران کو معیاری کام کے حوالے سے سخت ہدایات جاری کیں۔

وزیرجناب عمرایوب خان کی ہدایت پر انکے کوارڈینیٹرساجد خان کا پیسکو پلاننگ ٹیم کے ہمراہ زیرتعمیر خانپور 132kva گریڈ اسٹیشن کا دورہ۔پلاننگ ٹیم نے فیڈرز کے حوالے سے سروے مکمل کیا

 485 total views

وفاقی وزیرجناب عمرایوب خان کی ہدایت پر انکے کوارڈینیٹرساجد خان کا پیسکو پلاننگ ٹیم کے ہمراہ زیرتعمیر خانپور 132kva گریڈ اسٹیشن کا دورہ۔پلاننگ ٹیم نے فیڈرز کے حوالے سے سروے مکمل کیا۔وفاقی وزیربرائے توانائی،پیٹرولیم وقدرتی وسائل جناب عمرایوب خان کی خصوصی ہدایت پر انکے کوارڈینیٹر ساجدخان نے اسسٹنٹ ڈائریکٹر پیسکو و دیگر متعلقہ افسران کے ہمراہ خانپور کے مقام پر زیرتعمیر 132kva گریڈاسٹیشن کا دورہ کیا۔پیسکو پلاننگ ٹیم نے اس موقع پر مختلف مقامات کا دورہ کرکے فیڈرز کے حوالے سے سروے مکمل کیا۔ واضح رہے وفاقی وزیر جناب عمرایوب خان نے 70 کروڑ روپے کی خطیر فنڈنگ سے عوامی مشکلات کے ازالے اور دیرپا بہتری کے لیے خانپور کے مقام پر 132kva گریڈ اسٹیشن کی منظوری دی جس کی تکمیل کے لیے ہنگامی بنیادوں پر کام جاری ہے۔

وفاقی وزیربرائے توانائی،پیٹرولیم وقدرتی وسائل جناب عمرایوب خان نے 5 کروڑ 80 لاکھ روپے کی خطیر فنڈنگ سے سرائے گدائی اور دیدن میں سوئی گیس فراہمی منصوبے کی تکمیل کا شُعلہ جلا کر افتتاح کردیا

 452 total views

وفاقی وزیربرائے توانائی،پیٹرولیم وقدرتی وسائل جناب عمرایوب خان نے 5 کروڑ 80 لاکھ روپے کی خطیر فنڈنگ سے سرائے گدائی اور دیدن میں سوئی گیس فراہمی منصوبے کی تکمیل کا شُعلہ جلا کر افتتاح کردیا۔
افتتاحی تقریب میں شرکت کے موقع پر مزکورہ علاقہ جات کے عوام نے وفاقی وزیر جناب عمرایوب خان کاپھولوں کی برسات اور ڈھول کی تھاپ پر والہانہ استقبال کیا۔
ملک اورنگزیب۔ملک جارج علی و دیگر نے دیدن میں منعقدہ تقریب کے دوران خطاب کرتے ہوئے بجلی مسائل کے خاتمے کے ساتھ 2 کروڑ 82 لاکھ روپے کی خطیر فنڈنگ سے سوئی گیس فراہمی منصوبے کی تکمیل پر وفاقی وزیرجناب عمرایوب خان کو شاندار الفاظ میں خراج تحسین پیش کیا۔
جبکہ سرائے گدائی میں 2 کروڑ 98 لاکھ روپے کی خطیر لاگت سے سوئی گیس فراہمی منصوبے کی تکمیل کے موقع پر سردار ممتاذ،ملک طاہر اور بابر خان سمیت دیگر مقررین نے خطاب کرتے ہوئے کہاکہ ہمارے قابل و باصلاحیت لیڈر جناب عمرایوب خان کی بدولت ضلع ہری پور میں ترقی کا انقلاب برپا ہوچکا ہے۔ ضلع کے عوام طویل عرصے تک بجلی مسائل کا شکار رہے۔ تاہم عوامی قائد نے نہ صرف ہنگامی بنیادوں پر بجلی مسائل کا خاتمہ ممکن بنایا بلکہ گیس فراہمی کے منصوبوں کے لیے بھی اربوں روپے کی خطیر فنڈنگ کی۔مقررین نے مزید کہاکہ ہم نے سوچا بھی نہیں تھا کہ کبھی ہم لوگ بھی گیس جیسی سہولت سے مستفید ہونگے۔آج ہماراخواب عملی طور پر شرمندہ تعبیر ہوا ہے جس پر سرائے گدائی کے عوام جناب عمرایوب خان کا شکریہ ادا کررہے ہیں۔
وفاقی وزیرجناب عمرایوب خان نے افتتاحی تقریبات میں خطاب کے دوران کہاکہ عوامی محرمیوں کا خاتمہ اور ضلعی ترقی میری اولین ترجیح ہے۔ہم نے انتہائی مختصر عرصے میں نہ صرف بجلی مسائل کا خاتمہ کیا بلکہ مزید بہتری کے لیے چار گریڈ اسٹیشنز کی منظوری بھی دی جبکہ مختلف علاقہ جات میں سوئی گیس فراہمی کے لیے زمینی حقائق پر مبنی کام جاری ہیں اور بیشتر علاقوں کے عوام منصوبوں کی تکمیل کے بعد مستفید بھی ہورہے ہیں۔

وزیربرائے توانائی،پیٹرولیم وقدرتی وسائل جناب عمرایوب خان نےیونین کونسل کھولیاں بالا کے مخلتف علاقہ جات کی منتشر آبادیوں میں سوئی گیس فراہمی کے لیے مزید 3 کروڑ روپے کی خطیر فنڈنگ کردی

 682 total views

وفاقی وزیربرائے توانائی،پیٹرولیم وقدرتی وسائل جناب عمرایوب خان نےیونین کونسل کھولیاں بالا کے مخلتف علاقہ جات کی منتشر آبادیوں میں سوئی گیس فراہمی کے لیے مزید 3 کروڑ روپے کی خطیر فنڈنگ کردی جنکے ٹینڈر اوپن ہوکر کنٹریکٹر کو مل چکے ہیں اور جلد کام کا آغاز ہوگا۔ان خیالات کااظہار وفاقی وزیرجناب عمرایوب خان کے کوارڈینیٹرساجدخان نے کھولیاں بالا کے مقام پر مقامی افراد سے اظہار خیال کرتے ہوئے کیا۔انھوں نے اس موقع پر لوگوں سے گیس میٹرز کی درخواستیں بھی وصول کیں جبکہ سوئی نادرن گیس کے متعلقہ افسران بھی اس موقع پر انکے ہمراہ موجود تھے۔حاجی نوازخان،شیربہادر،اسد شاہ اور خاور خان سمیت دیگر مقامی افراد نے اس موقع پر منتشر آبادی آبادیوں کے لیے مزید خطیر فنڈنگ کرنے پر وفاقی وزیرجناب عمرایوب خان کا شکریہ ادا کیا۔۔

حکومتِ پاکستان کی شفاف پالیسیوں کی وجہ سے پاکستان میں نئی شروع کی جانے والی قابل تجدید توانائی پالیسی سرمایہ کاروں کے لئے مواقع لائے گی۔

 328 total views

وفاقی وزیر برائے توانائی پیٹرولیم و قدرتی وسائل جناب عمرایوب خان نے کہا ہے کہ حکومتِ پاکستان کی شفاف پالیسیوں کی وجہ سے پاکستان میں نئی شروع کی جانے والی قابل تجدید توانائی پالیسی سرمایہ کاروں کے لئے مواقع لائے گی۔
حکومت کھلی اور شفاف بولی کے عمل کے ذریعے قابل تجدید توانائی پر مبنی پاور پلانٹ لگائے گی ، جس سے بجلی کی پیداوار کی لاگت میں مزید کمی ممکن ہوگی۔ ان خیالات کا اظہار وفاقی وزیرِ توانائی پیٹرولیم و قدرتی وسائل عمر ایوب خان نے ورلڈ اکنامک فورم کی ورچوئل کانفرنس سے خطاب کرتے ہوئے کیا۔

وفاقی وزیرجناب عمرایوب خان کی جانب سے 1 ارب 15 کروڑ روپے کی خطیر فنڈنگ سےجھاری کس تا ایوب پُل حویلیاں اور خانپورجولیاں تا ٹیکسلا میوزیم روڈ کی ازسرنو تعمیرسمیت ریلوے اسٹیشن ہریپور کے قریب برساتی نالے پر نیو پُل تعمیر کی منظوری

 348 total views

وفاقی وزیرجناب عمرایوب خان کی جانب سے 1 ارب 15 کروڑ روپے کی خطیر فنڈنگ سےجھاری کس تا ایوب پُل حویلیاں اور خانپورجولیاں تا ٹیکسلا میوزیم روڈ کی ازسرنو تعمیرسمیت ریلوے اسٹیشن ہریپور کے قریب برساتی نالے پر نیو پُل تعمیر کی منظوری۔
این ایچ اے کے متعلقہ افسران کی وفاقی وزیر سے ملاقات۔ مزکورہ منصوبوں کے حوالے سے تفصیلی بریفنگ۔

وفاقی وزیربرائے توانائی، پیٹرولیم وقدرتی وسائل جناب عمرایوب خان نے جی ٹی روڑ جھاری کس تا ایوب پُل حویلیاں کی ازسر نو تعمیر کے لیے 60 کروڑروپے اورخانپور جولیاں تا ٹیکسلا میوزیم روڑ کی تعمیر کے لیے 50 کروڑ روپے جبکہ ریلوے اسٹیشن ہریپور کے قریب واقع برساتی نالے پر نیو پُل کی تعمیر کے لیے 5 کروڑ روپے کی خطیر فنڈنگ منظوری کرائی ہے۔
نیشنل ہائی وے اتھارٹی کے جی ایم حبیب الرحمان اور ڈپٹی ڈائریکٹر مسعوداحمد نے وفاقی وزیرجناب عمرایوب خان سے ملاقات کی اور انھیں مزکورہ روڈز اور پُل کی تعمیر کے حوالے سے تفصیلی بریفنگ دی۔
واضح رہے کہ حال ہی میں وفاقی وزیرجناب عمرایوب خان کی جانب سے 2 ارب روپے کی خطیر لاگت سے تین نئے پُلوں کی تعمیر کے ساتھ خانپور روڈ کاکام مکمل ہوا۔جس سے نہ صرف عوامی سفری مشکلات کا خاتمہ ممکن ہوا بلکہ مزکورہ روڑ پر سیاحوں کی آمدورفت میں بھی اضافہ ہوا جبکہ مزید فنڈنگ اور جولیاں تا ٹیکسلا روڈ اور نیوپُل کی تعمیر سے سیاحوں کی آمدورفت میں مزید اضافہ متوقع ہے۔جس سے سیاحتی مقامات سے جُڑے افراد کے روزگار میں خاطرخواہ اضافہ ہوگا۔