Search for:
اقتصادی امور کے وزیر عمر ایوب خان نے تربیلا ہائیڈرو پاور پراجیکٹ (T5) ، داسو ہائیڈرو پاور پراجیکٹ اور داسو مانسہرہ اسلام آباد ٹرانسمیشن لائن کی پیش رفت کا جائزہ لینے کے لیے ایک اعلیٰ سطحی اجلاس کی صدارت

 1,554 total views

وفاقی وزیر برائے اقتصادی امور عمر ایوب خان نے پیر کے روز مقامی کمیونٹیز کو ترقیاتی منصوبوں میں روزگار کے زیادہ مواقع فراہم کرنے پر زور دیا۔
اقتصادی امور کے وزیر عمر ایوب خان نے تربیلا ہائیڈرو پاور پراجیکٹ (T5) ، داسو ہائیڈرو پاور پراجیکٹ اور داسو مانسہرہ اسلام آباد ٹرانسمیشن لائن کی پیش رفت کا جائزہ لینے کے لیے ایک اعلیٰ سطحی اجلاس کی صدارت کی۔
اجلاس میں وزارت آبی وسائل ، واپڈا اور این ٹی ڈی سی کے اعلیٰ حکام اور پراجیکٹ ڈائریکٹرز نے شرکت کی۔
تربیلا ہائیڈرو پاور پراجیکٹ کی پانچویں توسیع کے تحت تربیلا ڈیم کی بجلی کی پیداواری صلاحیت میں 1410 میگاواٹ اضافہ کیا جائے گا۔
ورلڈ بینک نے تربیلا ہائیڈرو پاور پراجیکٹ کی پانچویں توسیع کے لیے 390 ملین امریکی ڈالر فراہم کیے ہیں جبکہ ایشیائی انفراسٹرکچر انویسٹمنٹ بینک (AIIB) نے بھی اس منصوبے کے لیے 300 ملین امریکی ڈالر فراہم کرنے کا وعدہ کیا ہے۔
وفاقی وزیر برائے اقتصادی امور نے اس بات کا اظہار کیا کہ تربیلا ہائیڈرو پاور پراجیکٹ کی بروقت تکمیل سے ملک میں بجلی کی تیزی سے بڑھتی ہوئی طلب کو پورا کرنے میں مدد ملے گی اور صاف توانائی کا حصہ بڑھا کر انرجی مکس کو بہتر بنایا جائے گا۔
انہوں نے پراجیکٹ کی بروقت تکمیل کو یقینی بنانے کے لیے تمام زیر التوا مسائل کو حل کرنے اور عملدرآمد میں تیزی لانے کی ہدایت کی۔
وفاقی وزیر نے روشنی ڈالی کہ 1960 اور 1970 کی دہائیوں میں ڈیموں کی تعمیر کے لیے زمین کے حصول کی وجہ سے مقامی لوگوں کو بہت زیادہ نقصان اٹھانا پڑا۔
انہوں نے پراجیکٹ اتھارٹیز کو ہدایت کی کہ مقامی لوگوں کو خاص طور پر تربیلا ڈیم کے متاثرین کو پروجیکٹ اور کنٹریکٹ معاہدوں کے مطابق روزگار کے زیادہ مواقع فراہم کیے جائیں۔
وفاقی وزیر نے اس بات پر بھی زور دیا کہ کمیونٹی ڈویلپمنٹ اسکیموں کو مقامی کمیونٹیز کی مشاورت سے تیار کیا جانا چاہیے تاکہ حقیقی ضروریات کو پورا کیا جا سکے۔
داسو ہائیڈرو پاور پراجیکٹ کی پیش رفت کا جائزہ لیتے ہوئے وفاقی وزیر نے تمام ترقیاتی سرگرمیوں کو دوبارہ شروع کرنے پر زور دیا اور منصوبے کی بروقت تکمیل کو یقینی بنانے کے لیے پروجیکٹ پر عملدرآمد کو تیز کرنے کی ہدایت کی۔
انہوں نے اس بات کا اظہار کیا کہ بجلی کی ترسیل کے نظام کی اصلاح اور اضافہ ضروری ہے تاکہ بجلی کی ہموار اور موثر فراہمی کو یقینی بنایا جا سکے۔

کیڑوں کے پھیلاؤ کو روکنے اور خوراک کی حفاظت کو بہتر بنانے کے لیے فوڈ سیکورٹی اور نیوٹریشن انفارمیشن سسٹم کو مضبوط بنا کر نظام کو بہتر بنائے گا

 1,374 total views

وفاقی وزیر برائے اقتصادی امور جناب عمرایوب خان کی زیرِصدارت WBPakistanCD کی مالی معاونت سے “ٹڈی دل ایمرجنسی اور فوڈ سیکورٹی پروجیکٹ” کی پیش رفت کا جائزہ اجلاس۔ اجلاس میں جناب عمرایوب خان نے طویل مدتی نقطہ نظر کو مدنظر رکھتے ہوئے تنظیم نو کے منصوبے کو جلد حتمی شکل دینے پر زور دیا کیونکہ کسی بھی ملک کے لیے خوراک کی حفاظت ضروری ہے۔اس پروجیکٹ کا مقصد ٹڈی دل کی وبا پر قابو پانے اور پاکستان میں مزید پھیلنے سے روکنے کے لیے ہنگامی اقدامات کی حمایت کرنا ہے۔ یہ کیڑوں کے پھیلاؤ کو روکنے اور خوراک کی حفاظت کو بہتر بنانے کے لیے فوڈ سیکورٹی اور نیوٹریشن انفارمیشن سسٹم کو مضبوط بنا کر نظام کو بہتر بنائے گا۔

اب خطیر لاگت سے ہری پور میں ورکشاپ تعمیر ہورہی ہے جس سے عوامی دیرینہ مشکلات کا ہمیشہ کے لیے خاتمہ ممکن ہوگا

 1,114 total views

عوامی دس سالہ محرمیوں کاخاتمہ ممکن بنانے کے بعد مستقل بنیادوں پر دیرپا بہتری کے لیے زمینی حقائق پر مبنی اربوں روپے کی خطیر فنڈنگ سے ضلع میں بجلی وگیس کے میگا منصوبے پایہ تکمیل کو پہنچ رہے ہیں۔جن سے نہ صرف ترقی کا نیا انقلاب برپا ہوا بلکہ آنے والی نسلیں بھی مستفید ہونگی۔ان خیالات کا اظہار وفاقی وزیربرائے اقتصادی امور جناب عمرایوب خان نے 10 کروڑ روپے کی خطیر فنڈنگ سے کانگڑہ گریڈ میں ٹرانسفارمر ریپئرنگ ورکشاپ کی افتتاحی تقریب سے خطاب کرتے ہوئے کیا اور کہاکہ دن رات ایک کرکے الیکشن میں کیے گئے وعدوں کو وفا کیا ہے۔جبکہ مزید بہتری کے لیے بھی بھرپور انداز میں کوشاں ہیں۔سابق صوبائی وزیر جناب یوسف ایوب خان اور تیمور خان نے افتتاحی تقریب سے خطاب کرتے ہوئے مزکورہ احسن اقدام پر عوامی قائد جناب عمرایوب خان کو زبردست الفاظ میں خراج تحسین پیش کیا اور خطاب کرتے ہوئے کہا کہ اس سے قبل ٹرانسفارمرز ریپئرنگ کے لیےحویلیاں جاتے جس میں تین سے چار دن ضائع ہوتے تاہم اب خطیر لاگت سے ہری پور میں ورکشاپ تعمیر ہورہی ہے جس سے عوامی دیرینہ مشکلات کا ہمیشہ کے لیے خاتمہ ممکن ہوگا۔مقررین کا کہنا تھا کہ ضلع سے وولٹیج مسائل کے خاتمے کے لیے سولہ سے زاہد فیڈرز کی ہنگامی بنیادوں پر تکمیل،خانپور اور حطار میں 132kva گریڈ کی تکمیل جبکہ مزید تین گریڈ اسٹیشنز کی منظوری و اربوں روپے کی خطیر فنڈنگ وفاقی وزیر جناب عمرایوب خان کا ایک ناقابل فراموش کارنامہ ہے۔جس پر ضلع کے غیور عوام انھیں زبردست خراج تحسین پیش کررہے ہیں۔

وفاقی وزیربرائے اقتصادی امور جناب عمرایوب خان نے 10 کروڑ روپے کی خطیر فنڈنگ سے کانگڑہ گریڈ میں ٹرانسفارمر ریپئرنگ ورکشاپ کا افتتاح کردیا

 918 total views

وفاقی وزیربرائے اقتصادی امور جناب عمرایوب خان نے 10 کروڑ روپے کی خطیر فنڈنگ سے کانگڑہ گریڈ میں ٹرانسفارمر ریپئرنگ ورکشاپ کا افتتاح کردیا۔ اس موقع پر سابق صوبائی وزیرجناب یوسف ایوب خان،پیسکو کے اعلٰی افسران اور ضلع کے مختلف علاقہ جات سے آنے والے عمائدین علاقہ کی کثیر تعداد موجود ہے۔

وفاقی وزیر جناب عمرایوب خان نے کھلابٹ کی سڑکوں کی ابترصورتحال وعوامی مشکلات کو مدنظر رکھتے وزیراعلٰی کے پی کے سے 45 کروڑ روپے کی خطیر فنڈنگ منظور کرائی ہے

 1,114 total views

وفاقی وزیربرائے اقتصادی امور جناب عمرایوب خان کی ذاتی دلچسپی کی بدولت کھلابٹ کی سڑکوں کی پختگی کے لیے 13 کروڑ کے بعد 20 کروڑ کی خطیر فنڈنگ جبکہ اِسکے بعد مزید 12 کروڑ روپے بھی جلد جاری کردئیے جائے گے جس سے کے ٹی ایس کی تمام اندورنی سڑکوں کی پختگی کاکام مکمل کیاجائے گا۔وفاقی وزیر جناب عمرایوب خان کی ہداہت پر چاروں سیکٹرز کی سڑکوں کا سروئے مکمل کرکے پی سی ون جمع ہوچکا ہے۔
13 اگست بروز جمعہ دن دو بجے پشاور میں سیکرٹری لوکل گورنمنٹ کے مابین میٹنگ کا انعقاد کیا گیا۔جس میں وفاقی وزیر جناب عمرایوب خان کی مصروفیات کی وجہ سے انکے کوارڈینیٹر ساجدخان نے شرکت کی۔ دوران میٹنگ کھلابٹ ٹاؤن شپ کی سڑکوں کی پختگی کے لیے 20 کروڑ روپے کی منظوری دی گئ۔جبکہ مزید 12 کروڑ روپے آمدہ میٹنگ میں جاری کیے جائےگے۔اس قبل وفاقی وزیرجناب عمرایوب خان نے کے ٹی ایس کی سڑکوں کی پختگی کے لیے 13 کروڑ روپے کی فنڈنگ جاری کرائی جس سے سڑکوں کی تعمیر کا جاری کام تقریباً آخری مراحل میں ہے۔
واضح رہے کہ وفاقی وزیر جناب عمرایوب خان نے کھلابٹ کی سڑکوں کی ابترصورتحال وعوامی مشکلات کو مدنظر رکھتے وزیراعلٰی کے پی کے سے 45 کروڑ روپے کی خطیر فنڈنگ منظور کرائی ہے۔جس پر اہلیان کھلابٹ انکے انتہائی مشکور وممنون ہیں۔

تربیلا پانچویں توسیعی منصوبے کی تعمیر کی بدولت 3 ہزار ملازمتوں کے مواقع پیدا ہو ں گے

 1,618 total views

تربیلا ٹنل 05 توسیعی منصوبہ کے سنگ بنیاد کی تقریب کی تصویری جھلکیاں وزیر اعظم عمران خان آج تربیلا ڈیم کے پانچویں توسیعی منصوبے کا سنگ بنیاد رکھیں گے۔منصوبہ 807 ملین ڈالر کی لاگت سے تعمیر کیا جارہا ہے۔ورلڈ بنک اور ایشین انفراسٹرکچر انویسٹمنٹ بنک منصوبے کی تعمیر کے لئے مالی معاونت فراہم کر رہے ہیں۔منصوبہ محض 3 سال کی قلیل مدت میں 2024 تک مکمل کر لیا جائے گا۔منصوبے کا بنیادی مقصدمستقبل میں تربیلا ڈیم کو مٹی بھرنے کے خطرات سے محفوظ بنائے۔پراجیکٹ کی بدولت تربیلا ڈیم سے زرعی مقاصد کے لئے پائیدار بنیاد پر پانی کی دستیابی جاری رہے گی۔تربیلا پانچویں توسیعی منصوبے سے 1530 میگاواٹ ماحول دوست اور سستی پن بجلی بھی حاصل ہو گی۔منصوبہ ہر سال نیشنل گرڈ کو ایک ارب 34 کروڑ یونٹ سستی بجلی مہیا کرے گا۔تربیلا پانچویں توسیعی منصوبے کی تعمیر کی بدولت 3 ہزار ملازمتوں کے مواقع پیدا ہو ں گے۔منصوبے کی بدولت تربیلا سے بجلی پیدا کرنے کی صلاحیت 4 ہزار 888 میگاواٹ سے بڑھ کر 6 ہزار 418 میگاواٹ ہو جائے گی۔تربیلا پانچواں توسیعی منصوبہ پاکستان کی پانی، خوراک اور توانائی کی اہم ضروریات کو پورا کرنے میں اہم کردار ادا کرے گا۔